‘648 të shtruar’, Brataj tregon se është ulur numri i pacientëve në spitalet COVID

Drejtori i Përgjithshëm i Qendrës Kombëtare të Urgjencës Mjekësore, Skënder Brataj në një dalje për mediat theksoi se përgjatë këtyre dy javëve që u ndryshua orari policor pati një ulje të numrit të pacientëve, të cilët u shtruan në spital.

Brataj theksoi se në 15 Shkurt numri i pacientëve të shtruar në spitalet Covid arrit në 119 shtrime në ditë që janë shifrat më të larta, ndërsa shtoi se që prej datës 17 e deri më sot janë ulur nën 100 pacientë të shtruar.

“Nga 44 që ishte më 26 janar në ditë duke u rritur në 100 shtrime në 8 shkurt, duke arritur maksimumin në datën 15 shkurt në 119. Nga data 17 shkurt dhe deri më tani ka një ulje të shtrimeve në spital që ka zbritur poshtë numrit 100 që na lë në një optimizëm për të thënë se ato masa që u morën para 2 javësh besoj se e dhanë një farë efekti”- u shpreh Brataj

Ndër të tjerë Brataj tha se aktualisht shifrat e pacientëve të shtruar nëpër spitalet Covid në total arritinë 648 persona.

Në mbledhjen e sotme, Komisionit Teknik i Ekspertëve la në fuqi vendimin e marrë më 11 shkurt për orarin policor duke kufizuar qarkullimin e banorëve nga ora 20:00 deri më 06:00.

Lexoni gjithashtu:

Mbeten në fuqi masat e mëparshme anti-COVID, Komiteti Teknik i cilëson si efektive