Rriten çmimet e karburanteve, drejtuesit e mjeteve: E papërballueshme, do furnizohemi jashtë vendit

Rritja e kërkesës për naftë dhe gaz në tregjet globale është shoqëruar edhe me rritje të çmimit në pikat e furnizimit në karburante.

Ditët e fundit, çmimi i gazit është shtrenjtuar 20-25 për qind, duke mbërritur në 60 lekë për litër, nga 45 që ishte në fillim të javës, ndërkohë për naftën dhe benzinën vihet re një luhatje e moderuar.

Të pakënaqur me çmimin e cilësinë janë edhe këta drejtues mjetesh, të cilët thonë se kanë zgjedhur të furnizohen në vendet fqinje.

Burime nga shoqata e hidrokarbureve thanë për Euronews Albania se hapja graduale e ekonomive do të shoqërohet me rritje të mëtejshme të çmimeve, ndërsa në tregun shqiptar, çmimi i lartë i karburanteve është pasojë e taksave direkte, të cilat e bëjnë të pamundur konkurrencën me rajonin.

Niveli i taksimit në tregun hidrokarbur

1 – Taksa e Qarkullimit                           27 Lekë/Litër

2 – Taksa e Karbonit                                3 Lekë/Litër

3 –  Taksa e Markimit                              1 Lekë/Litër