Përfitimet nga projekti për Portin e Durrësit, ministrja Balluku: Do nxitet turizmi dhe do rritet ekonomia e shkallës

Ministrja e Infrastrukturës dhe Energjisë, Belinda Balluku, i është përgjigjur Partisë Demokratike, e cila ka paralajmëruar se do ta çojë në Gjykatën Kushtetuese projektin për Portin e Durrësit.

Ajo tha se Shqipëria ka firmosur marrëveshjen me Emiratet e Bashkuara Arabe, marrëveshje kjo, e cila në thelb parashikon të nxisë dhe t’i japë hov investimeve në të dyja vendet.

“PD-ja kam përshtypjen se ka një fushatë propaganduese. Ne kemi bërë një marrëveshjeje qeveri- qeveri me Emiratet e Bashkuara Arabe, një marrëveshje sipas të gjitha rregullave ndërkombëtare, e cila është firmosur nga pala shqiptare dhe nga pala përfaqësuese Emirateve të bashkuara dhe sigurisë në këtë marrëveshje ka edhe një pjesë që nxit investimet e të dyja vendeve”, tha znj. Balluku në Euronews Albania. 

Pjesë e kësaj marrëveshje tha minsitrja Balluku është edhe ndërtimi i një porti të ri komercial jashtë zonës urbane të Durrësit, i cili sipas saj do t’i japë zhvillim zonës dhe do të rrisë ekonominë e shkallës.

“Një pjesë e saj është edhe Porti i Durrësit dhe duke qenë se ne kemi një master-plan për ndërtimin e një porti të ri komercial jashtë zonës urbane të Durrësit, për shumë arsye, të cilat janë pjesë e studimit dhe master-plan, siç është tashmë e gjithë ndotja ambient ale, qe ne kemi në Portin e Durrësit, apo siç është gjithë problematike që është krijuar nga trafiku i mjeteve të rënda  dhe me largimin e Portit të Durrësit në një zonë tjetër industriale, sigurisht ajo zonë do të kthehet në zonë urbane, një zonë e dedikuara për qytetarët, turistët, një zonë që do të nxisë turizmin dhe si rrjedhojë ekonominë e shkallës në qytetin e Durrësit”, tha ajo.