Tensione në RMV, paralajmërohen protesta çdo të premte deri sa të shqyrtohen sërish çështjet ndaj shqiptarëve

Në Maqedoninë e Veriut situata është qetësuar gjatë fundjavës, pas protestave të së premtes kundër qasjes në dhënien e drejtësisë për të ashtuquajturën “rasti Monstra”.

Sidoqoftë korrespondentja e Euronews Albania në Shkup, Ferikan Iljazi tha se ka pasur paralajmërime që protestat do të vazhdojnë çdo të premte për çdo çështje të konsideruar si padrejtësi ndaj shqiptarëve.

“[…] çdo të premte do të ketë protesta deri në momentin që autoritetet gjyqësore do të marrin iniciativë për të rishikuar rastet [e kontestuara gjyqësore] zbardhjen e tërësishme, apo dënimin e autorëve të vërtetë të këtyre veprave,” – tha gazetarja Iljazi.

Të premten pati përplasje me policinë mes demonstruesit, kryesisht të komunitetit shqiptar, të cilët nisën protestat pas vendimit për të dënuar me burg përjetë 3 shqiptarë të akuzuar për vrasjen e 5 personave në vitin 2012.

Familjarët e të dënuarve kanë kërkuar shkarkimin e prokurores dhe gjykatëses dhe hetimin nga ndërkombëtarët, ndërkohë që nga Kuvendi të publikohen përgjimet.

Nga përplasjet pati 11 policë të lënduar dhe 8 protestues të arrestuar, për dy prej të cilëve është kërkuar masa e paraburgimit.

Lexoni gjithashtu:

Priten sërish protesta për rastin “Monstra” në RMV, 8 shqiptarë arrestohen dhe lëndohen 7 policë

Vendimi për rastin “Monstra” në RMV, burg përjetë për 3 shqiptarët e akuzuar

Shqiptarët protestojnë në Shkup, qytetarët kundër dënimit të 5 shqiptarëve me burg kapital për rastin ”Monstra”

Protesta kundër dënimeve të rastit ‘Monstra’, flet organizatori: Iniciativë qytetare për padrejtësinë që po u bëhet shqiptarëve