Deputetja e PS: Nuk ishte mirë që projektligjin e Buxhetit ta diskutonim pa opozitën
Deputetja e Partisë Socialiste, Pranvera Resulaj, është shprehur se buxheti i vitit 2024 nuk është diskutuar vetëm 7 minuta, por 78 orë.
Komentet Resulaj i bëri në emisionin “Now me Erla Mëhillin” në Euronews Albania, ku tha se ka pasur seanca shumë të gjata në Komisione ku është diskutuar për buxhetin, që megjithëse janë zhvilluar online, sipas saj kanë qenë shumë serioze.
Ajo shtoi se është përgjegjësi e opozitës që nuk ka marrë pjesë në diskutimet parlamentare për buxhetin e vitit 2024.
“Nuk janë 7 minuta që është diskutuar buxheti, por 78 orë që është diskutuar dhe debatuar. Me kë është një çështje që do ta diskutojmë. Ka pasur seanca shumë të gjata nëpër komisione, që edhe pse në zoom, kanë qenë nga më seriozet.
Nuk është gjë e mirë që të diskutosh projekt-ligjin më të rëndësishëm të vitit që është buxheti, ta diskutosh pa opozitën. Nuk duam të themi që ne këto 7 minuta na lumturojnë. E drejta qëndron vetëm në njërën anë. Mazhoranca duhet të mbajë përgjegjësitë e veta, por çështja është që diskutimet për buxhetin janë braktisur nga opozita.
Zgjedhja që ka bërë opozita është e tillë. Tërheq vëmendjen e publikut jo me argumenta. Është përgjegjësi e opozitës që mungoi në diskutimet e buxhetit. Opozita iu dha qytetarëve ato pamje dhe në mendjen e qytetarëve janë ato pamje, jo argumentat pse buxheti nuk është i duhuri”, u shpreh Resulaj.
LEXONI GJITHASHTU:
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 11:10 Berisha, Ramës: Anulo mitingun e Vlorës
- 10:55 Mbërrin me helikopter te Trauma efektivi i plagosur gjatë operacionit në Maliq
- 10:53 Zbulohet një kompleks termal romak në Lushnje
- 10:45 Autori ish-ushtarak bënte qitje në pyll, pamje nga vendi ku u vra polici në Maliq (VIDEO)
- 10:30 Kuvendi mban një minutë heshtje për efektin e policisë të vrarë në krye të detyrës në Maliq (VIDEO)
- 10:27 LIVE- Plumba mbi policinë, vritet efektivi në krye të detyrës, plagoset kolegu i tij.