Përleshje në burgun e Koridhalos, qëllohet me thikë në qafë 52-vjeçari shqiptar

Një perplasje mes të burgosurve ka ndodhur në burgun e sigurisë së lartë të “Koridhalo-s” në Greqi.

Mediat greke bëjnë me dije se si pasojë e përleshjes kanë mbetur të plagosur dy persona, një 52-vjeçar shqiptar dhe një 28-vjeçar kombësia e të cilit nuk dihet ende.

Sipas informacioneve paraprake 28-vjeçari qëlloi me thikë në qafë dhe krah të burgosurin shqiptar.

Sapo kanë parë skenën, të burgosurit e tjerë kanë goditur autorin me grushte në kokë dhe trup duke e lënë edhe atë të plagosur.

Gardianët kanë neutralizuar 28 vjeçarin duke i sekuestruar një thikë dhe një celular të thyer.

Të dy të plagosurit janë derguar në klinikën e burgut ku i është dhënë ndihma e parë mjekësore.

Hetuesit po vijojnë punë për zbardhjen e shkaqeve dhe rrethanave të ngjarjes.

LEXONI GJITHASHTU:

• E fshehur në bidona plastikë, kapet sasi e madhe droge në Greqi. Kaloi nga Shqipëria
• “Epidemia e shtëpive të barit”, si e zaptuan shqiptarët tregun e drogës në Britani