Vijon aksioni për shembjen e ndërtimeve pa leje në Tushemisht

Ka vijuar edhe sot operacioni i prishjeve të ndërtimeve pa leje në fshatin turistik të Tushemishtit. Ditën e sotme operacioni ka përfshirë një sërë ndërtimesh në rrugën kryesore të këtij fshati si avlli, garazhe si dhe ndërtime të tjera.

Sipas kryeinspektorit të policisë bashkiake Markel Afesllari, gjatë prishjes së ndërtimeve nuk ka pasur kundërshtime nga pronarët e objekteve ashtu siç nuk janë kundërshtuar ndërhyrjet edhe në objekte të tjera.

Vetëm ditën e sotme është ndërhyrë në 15 objekte. Burime pranë bashkisë së Pogradecit bëjnë të ditur se në projekt është parashikuar rehabilitimi i kësaj rruge kryesore përfshi dhe pjesën dekorative.

LEXONI GJITHASHTU:

• Tushemishti, destinacioni i të huajve| Rezervimet deri në fund të tetorit
• A jemi në fazë emergjente? Tushe: Ka institucione audituese për qendrat e PAK