Shtatë të vdekur nga Covid-19 në Kosovë, rritet numri i të infektuarve

Shtatë qytetarë të prekur nga Covid-19 kanë humbur jetën në Kosovë, ndërsa janë evidentuar 564 të infektuar të rinj nga 3192 teste të kryera.

Këto të dhëna raportohen nga Instituti i Shëndetit Publik, i cili thotë se listës totale të të shëruarve i janë shtuar 380 persona.  

Pavarësisht përpjekjeve të mjekëve në Kosovë 1634 persona kanë humbur jetën, shifër kjo, e cila nga ekspertët konsiderohet e lartë në krahasim me numrin e popullsisë.

Rastet pozitive: 

Prishtinë 228 raste, Prizren 37 raste, Gjakovë 36 raste, Mitrovicë 33 raste, Vushtrri 30 raste, Gjilan 29 raste, Kamenicë 23 raste, Fushë-Kosovë 21 raste, Lipjan 14 raste, Pejë 13 raste, Rahovec 11 raste, Viti 11 raste, Podujevë 10 raste, Suharekë 10 raste, Ferizaj 9 raste, Obiliq 8 raste, Klinë 6 raste, Skenderaj 6 raste, Kaçanik 5 raste, Deçan 4 raste, Dragash 4 raste, Istog 4 raste, Shtime 4 raste, Graçanicë 3 raste, Malishevë 3 raste dhe me nga një rast komunat Novobërdë dhe Shtërpcë.

Ministria e Shëndetësisë kërkon nga qytetarët të tregohen të kujdesshëm dhe të zbatojnë masat anti-covid. Sipas tyre, masat janë të thjeshta, por tepër të rëndësishme për të bërë të mundur shkëputjen e zinxhirit  të infeksionit.

Lexoni gjithashtu:

7 viktima dhe 591 raste me COVID-19 në Kosovë, prirja më e lartë për vitin 2021