Eksperti ushqimor: Baldushku ka gjelat më të mirë, por hanë miell me OMGJ

Qeveria synon të miratojë një ligj të ri që do të rregullojë prodhimet e cilësuara si “bio”, duke nisur nga përcaktimi i kushteve që duhet të ndjekin ata që do të përfshihen në këtë aktivitet, te mënyra e kultivimit apo prodhimit e deri te faza e testit dhe eksporti.

Eksperti ushqimor Abdyl Sinani tha në emisionin GoodMorning Albanians në Euronews Albania se produktet bio do të kenë një certifikatë shumë rigoroze për feremerin që do të marrë përsipër t’i kultivojë.

Teksa mori si shembull gjelin e Baldushkut, eksperti tha se megjithëse ata janë shumë cilësorë, nuk janë bio pasi ushqehen me OMGJ.

“Me ligjin e ri duhet të ketë një certifikatë rigoroz, p.sh toka që është për bio duhet të jetë mikroorganizma të tilla që të zbërthejë lëndën ushqimore që të asimilohet lehtë, këto janë bio.

Por kemi misër bio dhe Rozafa, misri bio është i Reçit, i Matit që ka nga ato aminoacidet e mira. Jo çdo gjë që rritet në fshat është bio. Gjelat e detit të Baldushkut, derisa ai ka dhënë miell misri, ai është me OMGJ. Baldushku ka gjela të mirë dhe pjesa malore. Që të bësh bio, fermeri do shkojë te Ministria e Bujqësisë që të thotë unë do prodhoj bio, do regjistrohet dhe do bëjë të gjitha analizat”, tha eksperti.

LEXONI GJITHASHTU:

• “400-500 mijë € kushton një zemër artificiale”-inxhinieri biomjekësor
• MAESTRO| Biografia mjeshtërore e Bradley Cooper për Leonard Bernstein