Fredi Beleri në ceremoninë mortore të gjyshës, e shoqërojnë dhjetëra policë

Fredi Beleri fituesi i zgjedhjeve në Himarë ka marrë leje këtë të dielë të jetë prezent në ceremoninë mortore të gjyshes së tij të ndierë.

I shoqëruar me efektivë të policisë dhe forcave të ndërhyrjes së shpejtë deri tek varri i gjyshes së tij. Me syze dielli për të mbuluar sytë dhe me makinë policie deri tek varrezat e Himarës, kështu ka mbërritur Fredi Beleri, ndërsa shumë qytetarë nisën të brohorisnin në përkrahje të tij.

E gjithë ceremonia u zhvillua nën masa të rrepta sigurie e me forca policie të pranishme. Me qindra qytetarë të Himarës dhe simpatizantë ishin prezentë duke bërë thirrje për lirimin e kryebashkiakut të zgjedhur të Himarës.

Atij deri më tani nuk i është dhënë leja që të kryej betimin si kryebashkiak.

LEXONI GJITHASHTU:

• Avokatët e Belerit “rrëzojnë” provën e SPAK. Del dëshmitari: Në foto jam unë
• Beleri flet në gjyq: Ndihem i diskriminuar, kërkojnë të më dënojnë me çdo kusht