Gazetari zbardh vrasjen e shqiptares: Ishte paramendim nga partneri grek

Një ngjarje e rëndë ka ndodhur në Greqi, ku partneri vrau gruan e tij shqiptaren 41-vjeçare, Gjeorgjia Murati, gjurmët e së cilës u zhdukën që nga viti i ri.

Sipas dëshmisë së shokut të partnerit të saj, ky i fundit ka vrarë 41-vjeçaren dhe i ka kërkuar që ta asgjësojë trupin e saj, duke e çuar me makinën e tij në këtë zonë.

Gazetari Etmond Guri, i ftuar në emisionin “Good Morning Albanians” në Euronews Albania, është shprehur se deri më tani nuk ka pista të mundshme për vrasjen e shqiptares.

Mes të tjerash ai shtoi se vrasja ishte me paramendim ndërsa tregoi dhe se si lindën dyshimet që krimin e ka bërë partneri i saj.

“80 euro ishte shuma e parave të grabitura. Deri më tani nuk ka një pistë të mundshme.  Çifti ka pasur 3 vjet marrëdhënie bashkë dhe nuk kanë pasur keqkuptime bashkë. Mënyra se si ka vepruar partner ii saj, që jo vetëm e ka bërë me paramendim krimin por është ëprpjekur dhe të fshijë krimin.

Ai ka bërë disa mesazhe me telefonin e partneres së tij për të fshehur krimin. Ai ka bërë disa mesazhe që kanë ngritur dyshime për familjarët e vajzës, të cilët kanë thënë se mesazhet nuk përputhen me karakterin e vajzës”-tha ai.

LEXONI GJITHASHTU: 

• “Vdiq për 5 mijë €”, gazetari sqaron pse u vra shqiptarja shtatzënë nga partneri
• Çani: Rama marketues i mirë, zgjedhja e resortit në Shëngjin pjesë e promovimit