Çani: Rama marketues i mirë, zgjedhja e resortit në Shëngjin pjesë e promovimit

Për dy ditë me radhë, sot dhe nesër,  kryeministri Rama, i gjithë kabineti qeveritar, grupi parlamentar po zhvillojnë një mbledhje informale me dyer të mbyllura në Shëngjin.

Gazetari Arjan Çani tha në emision Now se Edi Rama është një  martektues shumë i mirë dhe këtë e tregon edhe numri i turistëve që erdhën në Shqipëri këtë vit.

Sipas tij, edhe zgjedhja e një resorti në Shëngjin për të bërë këtë mbledhje është pjesë e promovimit.

“Nuk më shqetëson që është bërë në një resort se duke ditur filozofinë e Ramës që është një marketues i niveleve të larta, mjafton të shohëhs numrin e turistëve që erdhën në Shqipëri, pavarësisht ç’mund të thonë, ja njoh si meritë. PR është gjëja që ai bën me më shumë pasion, kështu që forma është shumë e rëndësishme në ditët tona. Unë mendoj se kjo e Shëngjinit, edhe nëse është resort, është pjesë e promovimit”, tha Çani.

LEXONI GJITHASHTU:

• Klosi zbulon diskutimet në Shëngjin: Folëm për gjërat që duhet të bëjmë më mirë
• “Si në komunizëm”, Abilekaj: Partia dhe qeveria u mblodhën në resort