“Si në komunizëm”, Abilekaj: Partia dhe qeveria u mblodhën në resort

Për dy ditë me radhë, sot dhe nesër,  kryeministri Rama, i gjithë kabineti qeveritar, grupi parlamentar po zhvillojnë një mbledhje informale me dyer të mbyllura në Shëngjin.

Gazetari Enton Abilekaj tha në emisionin Now në Euronews Albania se mbledhja e përbashkët e qeverisë dhe partisë për të diskutuar qeverisjen e 2024 është shembje e çdo ideje institucionale.

“Kemi një qeveri që mblidhet me partinë dhe diskuton për qeverisjen e 2024, që këtu kemi shembjen e çdo ideje institucionale, kjo ndodhte vetëm në kohën e partisë komuniste. Sa për sy e faqe të paktën nuk mund të mblidhet partia me qeverinë bashkë në një resort, kjo tregon që nuk i njohin institucionet në këtë vend, janë zero. Ashtu si Rama vendos të shkrijë 3 ministri, të shkarkojë një ministre dhe nxjerr vetëm një dekret, kjo tregon se nuk njeh asnjë institucion, bën çfarë të dojë”, tha Abilekaj.

LEXONI GJITHASHTU:

• Klosi zbulon diskutimet në Shëngjin: Folëm për gjërat që duhet të bëjmë më mirë
• Rama i hoqi ministrave telefonat, gazetari zbulon çfarë ndodhi në Shëngjin