Pronari shet dy herë apartamentin në Tiranë, blerësit bëjnë “vetëgjyqësi”

Një 60-vjeçar është arrestuar nga policia pasi përmes mashtrimit ka shitur dy herë një apartament në qytetin e Tiranës.

Policia përmes një komunikate zyrtare bën me dije se ka nisur dhe një procedim ndaj njërit prej blerësve, pasi me vetëgjyqësi kanë dëmtuar apartamentin.

Blerësit e dytë janë një çift bashkëshortësh 52-vjeçar, të cilët kur kanë mësuar se apartamenti është shitur dy herë, kanë shkulur pllakat e banesës nga zemërimi.

Materialet proceduriale në ngarkim të tyre i kaluan prokurorisë për veprime të mëtejshme.

“Specialistët për Hetimin e Krimeve të Komisariatit të Policisë Nr. 3 ndaluan shtetasin A. M., 60 vjeç, banues në Tiranë, si dhe nisi procedimi në gjendje të lirë për shtetasit E. F., 52 vjeç dhe I. F., 52 vjeç (bashkëshortë). Shtetasi A. M. dyshohet se ka shitur 2 herë një apartament, me anë të mashtrimit, ndërsa shtetasit E. F. dhe I. F., me vetëgjyqësi, kanë dëmtuar pllakat e këtij apartamenti, si dhe kanë kundërshtuar punonjësit e Policisë, gjatë shoqërimit”, thuhet në njoftimin e policisë.

LEXONI GJITHASHTU:

• Rrëmbeu armën dhe vrau kunatin, biseda e babait me vajzën e përdhunuar: E zgjidh unë
• Vrau kunatin se i përdhunoi vajzën, avokati: Është penduar, e bëri nga zemërimi