Brnabiç “kundër” Vuçiç: Dialogu me Kosovën, fokusi kryesor i qeverisë së re

Kryeministrja e Serbisë, Ana Brnabiç, tha se është e nevojshme që në mënyrë efektive të formohet qeveria e re e Serbisë, fokusi kryesor i së cilës tha se do të jetë dialogu me Kosovën.

“Për të vazhduar punën për integrimet europiane, prioritet i qartë i administratës së re, formimi efektiv i qeverisë së re të Serbisë është vendimtar. Vazhdimi i dialogut për normalizimin me Prishtinën do të jetë fokusi kryesor këtu, veçanërisht duke marrë parasysh vendimin e fundit të Beogradit për të lejuar lirinë e lëvizjes së automjeteve me targa të lëshuara nga Prishtina”, ka thënë ajo në një tekst autorial për mediumin amerikan, Politico.

“Për të vazhduar punën për integrimin në BE – një prioritet i qartë për administratën e ardhshme – formimi efikas i qeverisë së re të Serbisë është thelbësor. Vazhdimi i dialogut të normalizimit me Kosovën do të jetë një fokus i madh këtu, veçanërisht duke marrë parasysh vendimin e fundit të Beogradit që mundëson lirinë e lëvizjes për automjetet me targa të lëshuara nga Kosova. Qeveria e ardhshme do të duhet gjithashtu të fokusohet në diversifikimin e energjisë, duke ndërtuar mbi arritjet si hapja e gazsjellësit për në Bullgari dhe të vazhdojë me reformat jetike të sundimit të ligjit, duke përfshirë bashkëpunimin e mëtejshëm me ODIHR dhe Organizatën për Siguri dhe Bashkëpunim në Evropë”.

Ajo ka shkruar se “demokracia është shumë më tepër se një ditë zgjedhjesh dhe vendosja e një fletëvotimi në kuti”.

“Demokracia shtrihet shumë përtej ditës së zgjedhjeve dhe aktit të thjeshtë të vendosjes së një fletë votimi në një kuti. Ai duhet të përfshijë të gjithë pjesëmarrësit, duke përfshirë ata të zhgënjyer me rezultatet, të angazhohen në procesin postelektoral. Dhe duke pasur parasysh agjendën e gjerë që pret qeverinë e ardhshme serbe, opozita mund të luajë një rol të dukshëm në realizimin e shumë prej këtyre objektivave nëse do të adoptonte një qasje më konstruktive. Në fund të fundit, ky është thelbi i demokracisë”

Ajo tha se në procesin paszgjedhor në Serbi duhet të përfshihen të gjithë, përfshirë edhe ata që janë të zhgënjyer me rezultatet zgjedhore.

LEXONI GJITHASHTU:

• Vuçiç e kishte paralajmëruar “Botën serbe” shumë vite më parë
• Vuçiç: Serbia do shpenzojë 740 milionë euro për pajisje ushtarake këtë vit