Shëndetësia na kushton, qytetarët në Shqipëri paguajnë sa herë sëmuren

Çdo ditë që kalojnë sëmurë për pacientët shqiptarë kushton, ndonjëherë edhe më shumë se sa mund ta përballojnë. Janë qytetarët ata që pohojnë për mikrofonin e Euronës Albania se detyrohen të blejnë me para medikamentet.

Medikamentet në listën e rimburismit janë falas për pensionistët dhe kategoritë në nevojë, por në shumë raste kjo listë nuk mbulon të gjithë gamën e sëmundjeve që një i moshuar ka nevojë, duke i vënë ata përballë faturave të përmuajshme të medikamenteve që ju duhen.

Por, pagesat nuk ndalen vetëm tek blerja e ilaçeve, edhe vizitat janë shpesh në kripura, pasi bëhen në privat.

Pagesat nëndorë tek mjekët duket se janë një fenomen që nuk do të zhduket kurrë në Shqipëri.

Nëse do të mbledhim të gjitha pagesat e bëra nga vizita, analiza apo blerje të medikamenteve, do të shohim se shqiptarëve ju kushton shumë shtrenjtë cdo ditë që kalojnë sëmurë. Raporti i fundit i Organizatës Botërore të Shëndetësissë nxorrri në pah se vendi ynë është i pari në europë për shpenzimet nga xhepi për shëndetësinë, ku 60% e paguajmë vetë dhe pjesën tjëtër buxheti i shtetit.

LEXONI GJITHASHTU:

• Shëndetësia falas? OBSH: Shqiptarët paguajnë rreth 60% të shpenzimeve nga xhepi
• Mjeku Alimehmeti: Shëndetësi falas nuk ka dhe nuk mund të ketë