Sulmuesja Megi Doçi lë Vllazninë, firmos për Gallatasaray në Turqi

Sulmuesja shqiptare që ka kontribuar për shumë vite për Vllazninë e Femrave, Megi Doçi ka firmosur te Gallatasary në Turqi.

Ajo tha se dëshiron që të ecë në këtë skuadër, me qëllimin që të shkojë sërish në Champions League.

“Jam shumë e lumtur që jam këtu. Është një nder për mua që të vij në një komunitet të madh si Galatasaray. Kam luajtur në Champions League më parë. Dua të bëhem një kampione këtu dhe të shkoj sërish në Champions”, tha Doçi.

Kujtojmë se 27-vjeçarja ka dhënë një kontribut të çmuar për skuadrën shkodrane gjatë gjithë këtyre viteve.

Ajo ka ndihmuar në arritjen e objektivave të rëndësishëm dhe ka thyer shumë rekorde në vendin tonë, një prej të cilëve, shënimi i 700 golave në kampionat.

Doçi tani është gati të nisë larg vendit tonë një tjetër aventurë, që mund të jetë një mundësi shumë e mirë për të.

LEXONI GJITHASHTU:

• Shisnin kanabis pranë shkollave, e ‘pësojnë keq’ dy të rinjtë në Kamëz
• Tërmeti, Erdogan: Do të nisim ndërtimin e 30 mijë shtëpive në fillim të Marsit