“Gazin e kam mik, s’e kuptoj sjelljen e tyre”- Bakiu flet pas përplasjes me Bardhin

18 Janar 2024 | 15:17

Deputetja e Partisë Demokratike, Merita Bakiu ka folur në Euronews Now pas tensioneve të ditës së mërkurë në Komisionin e Medias, ku u përplas me kreun e grupit të PD-së Gazment Bardhin.

Bakiu e cilësoi Bardhin si një mik me të cilin ka ndarë momentet më të bukura, por edhe ato të hidhura në PD.

Ajo theksoi se nuk e kupton sjelljen agresive të kolegëve të cilët mbështesin Rithemelimin e kryeministrit Berisha.

“Gazment Bardhin e kam mik. Me Gament Bardhin ne kemi kaluar momente të bukura në Partinë Demokratike, por kemi kaluar edhe momente të hidhura, si ajo e datës 8 janar. Gazmend Bardhi ka qenë mbështetja jonë kryesore, por unë nuk e kuptoj pse është kjo sjellje ndaj këtyre deputetëve sepse ne kemi qenë gjithmonë të hapur të hapim procesin në Partinë Demokratike, të bëjmë zgjedhjen e kryetarit dhe forumeve, që të japim një platformë për qytetarët.”-u shpreh ajo.

Më tej, Bakiu u zotua se nëse provohen akuzat se ajo i shërben kryeministrit Rama, ajo është e gatshme që të lerë mandatin si deputete. Për ta përforcuar mendimin e saj, deputetia solli në kujtesë prejardhjen e saj, si një vajzë e rritur në një familje të persekutuar.

“Unë kam në familjen time njerëz të pushkatuar, kam njerëz që kanë vuajtur nëpër dënime dhe unë nuk mund të jem kurrë pjesë e Partisë Socialiste. Nuk mund t’i shërbej unë Partisë Socialiste dhe këtu bëhet ndasia.”-shtoi ajo.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Pëllumb Gjoka flet për herë të parë për akuzat në “Metamorfoza”: Po gjykohem mbi thashetheme

Biznesmeni dhe investitori strategjik Pëllumb Gjoka ka folur për herë të parë publikisht lidhur me akuzat që rëndojnë ndaj tij në kuadër të dosjes “Metamorfoza”,...
11:38 | 04/06/2026

Balla-Berishës: Kemi ne antimitig, ne kemi një ditëlindje, projekti i Zvërnecit do të bëhet

Këtë të enjte mbahet seanca e radhës plenare në Kuvendin e Shqipërisë, ku në rend dite janë 6 interpelanca, mes të cilave dy të kërkuara...
11:36 | 04/06/2026

Efektivi tek Trauma, niset dhe autori me ambulancë, si paraqitet gjendja e dy të plagosurve

Skëndër Brataj, Drejtor i Urgjencës ka njoftuar mbi gjendjen aktuale të evektivit të plagosur Edison Adri. Brataj shpjegon se gjendja e tij është stabilizuar dhe...
11:22 | 04/06/2026