Policia injoroi thirrjen, detaje nga vdekja e 4 personave brenda shtëpisë në Britani

Të tjera detaje kanë dalë pasi 4 persona në Britaninë e Madhe u gjetën të vdekur brenda një shtëpie.

Mediat e huaja bëjnë me dije se Policia britanike kishte injoruar një telefonatë të marrë nga një burrë nga vendi ku ndodhi ngjarja në orën 06:00 të mëngjesit të djeshëm.

Policia u dërgua në shtëpi vetëm pasi mori një telefonatë të dytë në orën 7 të mëngjesit nga një person, i cili ishte i shqetësuar për njerëzit brenda.

Katër trupat e pajetë u gjetën kur policia hyri në orën 7:15 të mëngjesit.

Bartlomiej Kuczynski, 45 vjeç, dhe vajzat e tij 12 dhe 7 vjeç, u gjetën të vdekur dje brenda shtëpisë në Costessey, pranë Norëich, së bashku me një grua 36-vjeçare, identiteti i së cilës nuk është bërë ende i ditur.

Një referim i është bërë mbikëqyrësit të policisë sot për vdekjen pjesëtarëve të familjës, për mosreagimin në kohë.

Policia e Norfolk konfirmoi se i ishte referuar vetë Zyrës së Pavarur të Sjelljes së Policisë (IOPC), lidhur me mosreagimin për ngjarjen e rëndë.

LEXONI GJITHASHTU:

• 4 persona gjenden të vdekur brenda një shtëpie në Britaninë e Madhe
• VIDEO| Minahedhësi i Marinës Mbretërore Britanike përplaset me një tjetër luftanije