Rrëzimi i skelës në pallatin në Tiranë, shoqërohen inxhinieri dhe 2 punëtorë

Policia e Tiranës ka shoqëruar në komisariat inxhinierin dhe dy punëtorë të pallatit në bulevardin “Gjergj Fishta”, ku si pasojë e rrëzimit të skelës u dëmtuan dy kalimtarë.

Skela e pallatit në ndërtim u shemb mëngjesin e kësaj të hëne duke lënë të plagosur, babaë e bijë, shtetasit Hysen Lavdari, 70-vjeç dhe Imelda Shkembi 45 vjeçe.

Ata u dërguan me urgjencë në spital, ku po marrin kujdesin e nevojshëm mjekësor. Ndërkohë që policia dhe grupi hetimor po vijojnë punën për zbardhjen e shkaqeve të incidentit.

Tiranë/Informacion paraprak

Më datë 22.01.2024, rreth orës 10:10, në bulevardin “Gjergj Fishta”, janë rrëzuar skelat e nje pallati në ndërtim e sipër, dhe si pasojë janë dëmtuar 2 shtetas (kalimtarë) H. L., rreth 70 vjeç, dhe I. Sh., rreth 45 vjeçe.

Dy të dëmtuarit ndodhen në spital, në kujdesin e mjekëve.
Në ambientet e Policisë janë shoqëruar inxhinieri i pallatit, shtetasi K. S., dhe punëtorët N. S., dhe A. P., për veprime të mëtejshme procedurale.

Grupi hetimor ndodhet në vendngjarje dhe po punon për sqarimin e rrethanave të ngjarjes.

LEXONI GJITHASHTU:

• Bie skela e pallatit te ish-parku i autobuzëve në Tiranë, zë poshtë babë e bijë
• EMRAT|Shkak radha për qethje, si djemtë e biznesmenëve vranë me shufra të riun jetim