Bayerni fiton me vështirësi, Sane goditet me shpullë nga trajneri kundërshtar

Bayerni vijon ndjekjen ndaj Leverkusenit kryesues të Bundesligës gjermane, me bavarezët të cilët mposhtën minimalisht Union Berlin. Një përballje e dominuar në çdo aspekt nga të besuarit e Tuchel, por me shumë raste të shpërdoruara përpara portës kundërshtare. Pjesa e parë u mbyll me rrjeta të paprekura, por me disa mundësi të mira nga vendasit.

Në fraksionin e dytë, ishte Guerreiro ai i cili kaloi në avantazh Bayernin, shënim me vlerën e 3 pikëve. Në minutën e 55 ishte Harry Kane ai që do të dyfishonte rezultatin, por me sistemin VAR që e anulloi golin për pozicion të parregullt. Deri në fund tentativat e të dyja skuadrave rezultuan jo të suksesshme, me ndeshje ne mbyllur në shifrat 1-0.

Një episode i pakëndshëm u regjistrua gjatë kësaj përballje, ku protagonist ishte sulmuesi Leroy Sane. Ky i fundit u godit me shpullë nga trajneri kundërshtar kroati Bjelica. Sulmuesi gjerman shkoi të merrte topin për të ekzekutuar një rivënie anësore, aty ku pas një debati u godit me shpullë nga trajner i Berlinit, me anësorin që iu kthye në të njëjtën mënyrë. Gjyqtari i ndëshkoi të dy protagonistët, me të kuq trajnerin dhe me kartonin e verdhë Leroy Sanenë, ndërsa edhe disiplina pritet të veprojë në vijim.

LEXONI GJITHASHTU:

• Qëlloi portierin që i dëmtoi të birin, kërkon falje babai i sulmuesit të kombëtares
• I dëmtoi djalin, babai i futbollistit të kombëtares futet në fushë, qëllon portierin