“Kush mundi, zaptoi një copë tokë”, Vangjeli: Beteja për pronat shkatërroi gjithçka

Analisti Lorenc Vangjeli komentoi gjetjet e Barometrit në Euroneës Albania lidhur me perceptimin e qytetarëve mbi spektrin politik të majtë e të djathtë.

Të pyetur mbi partitë kryesore dhe liderët e tyre, të dhënat nga përgjigjet e qytetarëve tregojnë se liderët dhe partitë perceptohen të zhvendosur në ekstreme ne dy vitet e fundit.

Sipas Vangjelit, gjithë debatin politike të viteve të fundit, përmblidhte në 3-4 tema që i mbivendosen njëra-tjetrës dhe nuk ka një ndarje të qartë. Vangjeli solli në vëmendje çështjen e pronave, që siç tha nuk u zgjidh as nga e majta dhe as nga e djathta ndër vite, duke shkaktuar një dëm të madh mjedisor dhe ekonomik për vendin.

“Çfarë ndodhi, gjithkush ku mundi zaptoi një copë tokë dhe qasja që patën të dyja palët, gara mes tyre nuk kishte të bënte me zgjidhjen ndaj problemit, por mënyra e qasjes ndaj tyre për t’i kthyer në votues, gjithë kjo betejë ka sjell një dëm aq të jashtëzakonshëm, në ambient dhe në frenimin e ekonomisë shqiptare. Legalizimi i kësaj toke të blerë me qindarka me çmimin e tregut është grabitje”, tha Vangjeli.

LEXONI GJITHASHTU:

• Partitë dhe liderët politikë të zhvendosur në ekstreme dy vitet e fundit
• Provokon Vangjeli: Rama do kishte përfunduar në skuadrën e pushkatimit, nëse…