Dermatologia: Me zgjebe infektohemi edhe duke u ulur në karrigen e të sëmurit

Sëmundja e zgjebes, sikurse njihet në gjuhën popullore është rishfaqur në vendin tonë, ose e thënë ndryshe ka një shtim të rasteve në radhët e të prekurve.

Sipas bluzave të bardha ditët e fundit ka pasur një shtim të rasteve të diagnostikuar me këtë sëmundje.

Mjekja dermatologe Vjoleta Dajçi tregoi në emisionin GoodMorning Albanians se zgjebja është një sëmundje infektive shumë ngjitëse që mund të merret edhe me një kontakt jo të drejtpërdrejtë me të infektuarin.

“Paraziti merret me anë të kontaktit, por jo vetëm me prekje, por edhe nëse uleni në vendin ku ka qenë ulur një person i infektuar, ose kur heqim dhe veshim rroba. Paraziti ka aftësinë të jetojë 2 ditë pa qenë në kontakt me trupin e njeriut, sepse ai ushqehet në lëkurë me gjakun tonë. Ka ndryshuar edhe mënyrën e sjelljes, përveçse shumë rezistent ndaj mjekimit. Shpesh nuk ngjitet tek të gjithë personat që bien në kontakt, por do 2-3 javë të shfaqë simptomat”, tha mjekja.

LEXONI GJITHASHTU:

• OBSH: Mijëra banorë të Gazës të zhvendosur janë në rrezik të shtuar të sëmundjeve
• Shtohen rastet e infeksionit të zgjebes në Shqipëri, këto janë simptomat