Emigranti: Paguhem më shumë se presidenti Begaj, por nuk blej dot shtëpi në Shqipëri

Emigranti në Britaninë e Madhe Ilir Dedaj tha në “Good Morning Albanians” se ndonëse ai është emigrant dhe punon si emigrantë rroga e tij është më e lartë se rroga e presidentit Bajram Begaj në Shqipëri.

Ai tha se megjithëse e ka rrogën më të lartë se vetë presidenti, ai e ka të pamundur që të marrë një shtëpi në Shqipëri.

“Unë jam një emigrant që kam ardhur të punoj këtu preh 25 vitesh, dua të bëj një krahasim tjetër. Pagën më të lartë në Shqipëri e ka presidenti, që arrin vlerën e rreth 4 mijë paundëve.

Unë si emigrant këtu marr më shumë se presidenti në Shqipëri apo se një deputet apo ministër aty. Ajo që unë dua të them është se me këtë rrogë që unë marr këtu, nuk marr dot shtëpi në Shqipëri. si ka mundësi që një ministër apo një deputet ka këto pasur përrallore?”-tha Ilir Dedaj.

LEXONI GJITHASHTU:

• “Mos i vrisni ujqërit, është ekologjisti më i madh”-ambientalisti Sazan Guri
• Gazetari: 300 mijë deri 1 mln lekë gjobë po hodhe mbeturina nga makina