Gërreu shtratin e lumit Mat, shpallet në kërkim 48-vjeçari. Sekuestrohen 5 kamionë

Administratori i një kompanie për përpunimin e interteve është shpallur në kërkim nga policia e Kurbinit këtë të enjte.

Sipas uniformave blu, 6 mjete të rënda të kompanisë që administrohej nga 48-vjeçari janë ndaluar duke gërryer shtratin e lumit Mat, për të përfituar interte.

Policia ka 6 mjete të rënda (5 kamionë dhe 1 ekskavator) që i shërbenin kësaj veprimtarie të kundërligjshme.

Materialet procedurale i kaluan Prokurorisë pranë Gjykatës Shkallës Parë të Juridiksionit të Përgjithshëm Lezhë, për veprime të mëtejshme.

“Si rezultat i kontrolleve dhe patrullimeve 24/7, të mbështetura të puna e inteligjencës policore dhe që kryhen në të gjithë territorin e rrethit, me fokus parandalimin, evidentimin dhe goditjen e krimeve kundër mjedisit, specialistët e Seksionit për Hetimin e Krimeve Ekonomiko-Financiare të DVP Lezhë, në bashkëpunim me ata të Drejtorisë së Përgjithshme të IKMT-së, organizuan dhe finalizuan operacionin policor të koduar “River Cries 2”.

Gjatë natës, në afërsi të lumit Mat, u gjetën 5 kamionë dhe 1 ekskavator, me të cilat gërryhej shtrati i këtij lumi dhe transportoheshin inertet e përfituara ilegalisht.

Në vijim të veprimeve procedurale u identifikua dhe u shpall në kërkim administratori i subjektit për llogari të të cilit punonin mjetet e rënda, shtetasi P. K., 48 vjeç, banues në Laç. Vijon puna për kapjen e tij”, njofton policia.

LEXONI GJITHASHTU:

• Shtëpija e barit në Kaninë dhe sekuestrimi i 262 kg drogë, pranga të riut në kërkim
• 18-vjeçari me “Range Rover” përplas tre fëmijë të mitur, arrestohet nga policia