U kap në flagrancë duke lëvizur i armatosur, vihet në pranga 22-vjeçari në Tiranë

Një person është arrestuar nga policia në Tiranë pasi u kap me armë, municione  dhe drogë. Në kuadër të operacionit të koduar Arbana u vu në pranga shtetasi R. M., 22 vjeç, banues në Arbanë.

Ky shtetas u kap në afërsi të rreth-rrotullimit të TEG-ut pas informacioneve operative të policisë së në këtë zonë ndodhej një shtetas të armatosur.

Gjatë kontrollit të shtetasit R. M., shërbimet e Policisë, i gjetën dhe sekuestruan, në cilësinë e provës materiale, një armë zjarri pistoletë me krehër e municion luftarak.

Në vijim të veprimeve, gjatë kontrollit të banesës së tij, shërbimet e Policisë gjetën dhe sekuestruan sasi municioni luftarak si dhe fara të dyshuara kanabisi.

Nga informacionet e marra dyshohet se ky shtetas armën e zjarrit e kishte për ta shitur.

Punohet për identifikimin e personave të tjerë, të implikuar në këtë veprimtari kriminale.

LEXONI GJITHASHTU:

• Kanosi me çifte gruan dhe 2 vajzat, arrestohet 46-vjeçari në Vlorë
• I gjetën armë e municion luftarak, arrestohet 38-vjeçari në Durrës (Emri)