“Nusja po lindi djalë, po i jep bekim familjes”-gazetarja për mentalitetin shqiptar

“Në Shqipërinë e 2024-ës ende ka vjehrra që zihen me nuset, zihen për rritjen e fëmijëve, zihen për punët e shtëpisë, zihen për kursimin, zihen për pastërtinë, zihen për veshjet dhe ç’është më komikja zihen për atë që i bashkon. Atë që nusen e bën nuse dhe vjehrrën, vjehërr, zihen për djalin e njërës dhe bashkëshortin e tjetrës”-ka shkruar në një postim në rrjetet sociale, gazetarja Malvina Tare.

Kjo e fundit ishte këtë të martë e ftuar në emisionin “Good Morning Albanians” në Euronews Albania, ku tha se vjehrrat sillen keq pasi kanë pasur një të kaluar të vështirë.

Sipas saj më para, triumfi i një gruaje ishte që të sillte në jetë djem.

“Vjehrrat që sillen keq kanë pasur një të kaluar  të vështirë  dhe janë parë në familjen e tyre si vajza për t’u martuar, më pas janë parë si nusja e djalit që do të mbajë shtëpinë dhe do bëjë mundësisht djem, të lind sa më shumë djem. Situata bëhet dramatike nëse ajo lind dy fëmijët e parë vajza. Po flasim për një brez më përpara ku trofeu i tyre është që të  lind djalë të parin”-tha ajo.

LEXONI GJITHASHTU: 

• Psikologia: Di raste që vjehrrat i hyjnë djalit në dhomën e gjumit
• I gjetën 1 kg e gjysmë kokainë, arrestohen 2 shtetas në Tiranë