“Policët shqiptar na ndaluan gabimisht”, artistja nga Kosova: Nuk panë as dokumentet
Aurela Kadriu, përfaqësuese e qendrës “Multimedia” ishte këtë të martë e ftuar në Euronews Albania ku foli për ndalimin e kolegëve të saj nga policia shqiptare. Artistët u futën për 10 orë në paraburgim në Shqipëri pasi policia i ngatërroi ata me një grup kriminal të trafikimit të tritolit.
Artistja Kadriu tha për Euronews Albania se në momentin e ndalimit, policia ka marrë vetëm kartat e identitetit ndërsa kanë refuzuar të shikojnë dokumente të tjera që vërtetonin se artistët po ktheheshin nga realizimi i një shfaqjeje në Itali.
“Ajo që ka ndodhur është se me shfaqjen tonë “The Handke Project” që ne e kemi vendosur në tiranë edhe në prill të 2023. Ne ishim këtë herë Firenze të Italisë dhe në kthim aderuam në Tiranë. U nisëm për Prishtinë ashtu siç e do zakoni, për tu kthyer në shtëpi, sidomos pas një suksesi të jashtëzakonshëm, ne ishim me një disponim shumë të mirë e donim tu tregonim kolegëve dhe familjarëve se sa mirë kaluam/ Por një pjesë e ekipit janë ndaluar dhe e morëm vesh më vonë se ishin ndaluar gabimisht nga policët shqiptarë në pjesën ku paguhet taksa rrugore.
Ata janë ndaluar me arsyetimin se dyshonin se ishin një grup trafikimi tritoli. Kanë qenë tre persona në makinë. Ishim të ndarë në tre makina. Policët nuk kanë dhënë asnjë shpjegim, ata kanë kërkuar që të qëndrojnë. Kolegët tanë duke parë se situata është e përçudnuar kanë tentuar t’ju japin pasaportat dhe biletat e avionit, për të dëshmuar se po ktheheshim nga Italia, por policia ka refuzuar të marrë këto mjete të identifikimit, përpos kartave të identifikimit që morën ën fillim”,-tha artistja.
LEXONI GJITHASHTU:
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
SHBA-të shtrëngojnë kontrollin para Kupës së Botës, mbikëqyrje e veçantë për delegacionin iranian
- 09:33 Vrasja e policit në Korçë, reagon Rama: Nderim përjetë Dëshmorit të Atdheut
- 09:31 Vrau një polic dhe plagosi një tjetër, del fotoja e autorit të ngjarjes së rëndë në Maliq
- 09:24 Deklaratat antisemite të artistit, Gjykata holandeze i hap rrugën koncerteve të Kanye West
- 09:11 SpaceX drejt ofertës publike fillestare më të madhe në histori, prej 75 miliardë dollarësh
- 09:08 Policia del me njoftim zyrtar: Si u vra efektivi dhe u plagos kolegu i tij, detajet nga operacioni
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq