“E kalova traumën”, Rama rikthen besimin te BE: Kemi çelur bisedimet e anëtarësimit
Kryeministri shqiptar Edi Rama ka mbajtur një fjalim në Luksenburg, ku mori pjesë në një forum për zgjerimin e unionit.
Në fjalën e tij ai theksoi se Shqipëria nuk do ta humbasë durimin dhe nuk do të dekurajohet nga gjendja e brendshme e BE-së e cila herë pas here frenon procesin integrues,
“Për momentin jam në një periudhë post traumatike sepse më është dashur të kaloj një traumë të gjatë me BE, ndërkohë që ne këmbëngulnim për çeljen e bisedimeve të anëtarësimit dhe ata këmbëngulnin të na thoshin se na donin, sigurisht na donin, por nuk ishin gati të flisnin. Kështu që imagjinoje, të duash të martohesh dhe pala tjetër të thotë: unë dua shumë të martohem me ty, por nuk dua të të flas. Është një përvojë shumë traumatike, por ka përfunduar tashmë, kemi çelur bisedimet e anëtarësimit dhe në këtë epokë post traumatike jam shumë më tepër i prirur ta lëvdoj BE sesa ta fajësoj atë. “, tha kryeministri.
Rama, tha se Shqipëria zotohet të vijojë reformat, jo vetëm si një kërkesë e kancelarive evropiane, por si një detyrim ndaj qytetarëve.
“Sigurisht, na duhet të bëjmë pjesën tonë, na duhet të bëjmë maksimumin sepse ashtu siç nusja jonë e dashur e ardhshme na ka thënë: varet nga ju. Pra varet nga ne. Asgjë nuk vjen e mirëqenë, përveçse nëse sulmohesh nga ndonjë superfuqi edhe pastaj ju krijon mëshirë dhe ata të fusin brenda pa plotësuar kushtet.
Por në qoftëse nuk të sulmon njeri atëherë të duhet të mbushësh, të plotësosh të gjitha ato kutitë. Ndaj shpresoj që do të vazhdojmë të kemi durim dhe të kemi vullnetin e mirë, sinqerisht nuk po kërkoj një integrim të shpejtë dhe të pabazuar në meritë sepse do të ishte njësoj si të merrje lejen e drejtimit të automjetit pa ditur si t’i japësh dhe kjo nuk do ishte në të mirë të vendit.”, shtoi ai.
Në vlerësim të qeverisë, procesi integrues në këtë fazë mund t’i shërbejë Shqipërisë me dije shtetformuese dhe me ekspertizë në procese të ndryshme, sidomos me teknologjinë.
LEXONI GJITHASHTU:
- Ndryshon rregullorja e futbollit, futet për herë të parë kartoni blu
- Hidhet shorti i Ligës së Kombeve, Shqipëria njihet me kundërshtarët në grup
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
Rama publikon pamje me mbeturina nga Zvërneci: Kjo është parajsa që duan të mbetet e paprekur
- 09:53 Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal
- 09:44 U plagos në Lozhan të Maliqit, efektivi i ‘Shqiponjave’ niset me helikopter drejt Traumës
- 09:33 Vrasja e policit në Korçë, reagon Rama: Nderim përjetë Dëshmorit të Atdheut
- 09:31 Vrau një polic dhe plagosi një tjetër, del fotoja e autorit të ngjarjes së rëndë në Maliq
- 09:24 Deklaratat antisemite të artistit, Gjykata holandeze i hap rrugën koncerteve të Kanye West
- 09:11 SpaceX drejt ofertës publike fillestare më të madhe në histori, prej 75 miliardë dollarësh