Sekuestrohen pasuritë e dy personave të dënuar në Itali për drogë dhe prostitucion

Prokuroria e Elbasanit ka sekuestruar këtë të shtunë disa pasuri të paluajtshme të cilat janë vënë nga aktivitetit kriminal i dy personave të dënuar në Itali.

Pas kërkesës së Prokurorisë, Gjykatës së Shkallës së Parë të Juridiksionit të Përgjithshëm në Elbasan, sekuestroi një apartament me sipërfaqe 112m2, në Elbasan, në pronesi të shtetases F.A

Nga hetimi pasuror, rezultoi se kjo pasuri nuk justifikohet me të ardhura të ligjshme, por e ka prejardhjen nga veprimtaria kriminale e shtetasit A.S., i dënuar nga drejtesia italiane per trafikim dhe shfrytëzim prostitucioni.

Gjithahstu u sekuestrua pasuria e llojit “Njësi” me sipërfaqe 79m2, në Elbasan, në pronësi të shtetasit E.G;

Nga hetimi pasuror ka rezultuar se kjo pasuri nuk justifikohet me të ardhura të ligjshme, por e ka prejardhjen nga veprimtaria kriminale e shtetasit E.G, i dënuar nga drejtesia italiane për trafikimin e lëndëve narkotike nga Belgjika drejt Italisë.

Për ekzekutimin e vendimeve u ngarkuan Agjencia e Administrimit të Pasurive të Sekuestruara dhe të Konfiskuara Tiranë, ASHK Drejtoria Vendore Elbasan dhe Drejtoria Vendore e Policisë Elbasan.

LEXONI GJITHASHTU:

• EMRAT| Kërkoheshin nga Spanja dhe Italia për vrasje e drogë, ekstradohen 3 shqiptarë
• Ekonomisti u vra brenda zyrës, si ndodhi atentatit në Kurbin. Pistat e hetimit