Presidenti italian uron Kosovën për Ditën e Pavarësisë: Do ju qëndrojmë përkrah

Presidentja e Republikës së Kosovës, Vjosa Osmani, me rastin e 17 shkurtit, Ditës së Pavarësisë, ka pranuar telegram urimi nga Presidenti i Italisë, Sergio Mattarella.

Në letrën e tij, Presidenti Mattarella ka thënë se Italia do të qëndrojë përkrah Kosovës në konsolidimin e institucioneve demokratike dhe sigurinë e saj.

Kujtojmë se më herët ishte presidenti amerikan, Joe Biden, ai i cili i dërgoi një letër urimi presidentes së Kosovës, Vjosa Osmani, me rastin e 16- vjetorit të pavarësisë

Biden në letrën e tij theksonte se SHBA e mbështet një Kosovë multi-etnike dhe të integruar në strukturat evropiane dhe euro-atlantike.

Presidenti amerikan gjithashtu ka thënë se SHBA përkrah dialogun e lehtësuar nga Bashkimi Evropian për të arritur një marrëveshje gjithëpërfshirëse për normalizim me Serbinë si një hap përpara drejt njohjes eventuale reciproke.

Biden ka kërkuar që Kosova të përmbushë të gjitha obligimet në dialog, përfshirë edhe ato nga të kaluara që janë arritur në kuadër të dialog.

LEXONI GJITHASHTU:

• “Çdo sulm ndaj Kosovës, sulm ndaj Shqipërisë”- Vuçiç i përgjigjet Ramës: Rrëqethëse
• Kërkesat për dinarin, Bislimi: Kosova s’është më në pavarësi të mbikëqyrur