“Leopardi më erdhi te dera e shtëpisë”- Indiani Baba G tregon si reagoi kur e pa

Indiani i njohur me pseudonimin Baba G. Ka rrëfyer një histori të pazakontë, kur pa një leopard pranë derës së shtëpisë së tij.

Përmes një lidhjeje me emisionin “Good Morning Albanians” në Euronews, Baba G tha se ai e ndjeu energjinë pozitive të asaj kafshe kur e pa dhe shtoi se nuk u ndje i frikësuar.

Ai tha gjithashtu se në Indi ka shumë vende ku rriten kafshë të egra, të cilat shpesh herë lëvizin në mënyrë të pakontrolluar nga habitatet e tyre dhe mund të dalin në vende të banuara.

“Po kam shumë histori. Pranë shtëpisë sime ka disa kafshë të egra, që mund edhe të vijnë e ti vizitojnë njerëzit. Afër maleve, ka kafshë ekzotike e të rralla. Nëse njerëzit shkojnë në këto zona, edhe mund t’i shohin.

Dy herë e kam parë një leopard, një herë ma ka ardhur pranë shtëpisë. Edhe një panterë e zezë më është afruar afër shtëpisë në periudhën e Covid-it. Qyteti është i mbushur plotë me kafshë të egra. Qyteti ku unë jam rritur, është një qytet shumë i bukur që ka edhe kafshë të egra.

Kur pashë leopardin, isha shumë i ngazëllyer, e ndieva energjinë e asaj kafshe. Jam shumë i lidhur me natyrën. Më pëlqen të lidhem me natyrën dhe shpirtin e kafshëve. Edhe në meditim është e rëndësishme kjo lloj marrëdhënie. Nuk është e zakonshme t’i bjerë ziles leopardi”, tha Baba G.