“Jam më shqiptare se ju”-Këngëtarja rumune i përgjigjet komenteve negative…

Këngëtarja Rumune Andreea Vilcan ka përshëndetur Kosovën me rastin e 16-vjetorit të pavarësisë. Ajo ka kënduar këngën “Xhamadani vija-vija”, e cila është edhe një himn shumë i dashur për të gjithë shqiptarët.

E ftuar në “Good Morning Albanians”, Vilcan ka treguar edhe për komentet që ka marrë në rrjetet sociale të  cilat sipas saj kanë qenë edhe të mirë edhe të këqija. Ajo tha se shumë kanë thënë “pse po e bën këtë, ti nuk je shqiptare”, ndërsa ajo u është përgjigjur se ajo di më shumë për Shqipërinë se sa shumë prej shqiptarëve.

“Ka pasur komente pozitive dhe negative. Kanë shkruajtur, “pse po e bën ajo këtë, ajo nuk është shqiptare”. Nuk kanë qenë negative, por shumë gjykuese. Por unë u jam përgjigjur që unë jam shqiptare ndoshta më shumë se ju”,-tha këngëtarja rumune.

LEXONI GJITHASHTU:

• Këngëtarja nga Rumania: Dua më shumë këngët shqiptare sesa rumune
• Këngëtarja rumune mban varësen me Shqiponjë, zbulon kush ia ka dhuruar