Nesër mbahet samiti për Ukrainën në Tiranë, zbardhet agjenda

Është zbardhur agjenda për ditën e nesërme, 28 shkurt, ku pritet të zhvillohet samiti për Ukrainën në Tiranë. Presidenti i Ukrainës Volodymyr Zelenski pritet të mbërrijë sot në Tiranë, ndërsa ditën e nesërme do të pritet nga kryeministri Rama në orën 9 të mëngjesit në ambientet e Kryeministrisë.

Pas takimit kokë më kokë pritet që të ketë edhe një takim bilateral mes dy delegacioneve. Ky takim sipas agjendës është parashikuar të fillojë në orën 9:30 dhe do përfundojë me firmosjen e një marrëveshje.

Në orën 11: pritet që liderët të mbërrijnë në pallatin e Kongreseve ku do të zhvillohet më pas Samiti.

Agjenda e Samitit të Ukrainës (28 Shkurt 2024)

09.00 – Presidenti Zelenskyy do të mikpritet nga Kryeministri Rama, në Kryeministri.

Mediat do të kenë akses në Bulevardin “Dëshmorët e Kombit”, përpara godinës së Këshillit të Ministrave.

09.05 – Kryeministri Rama do të zhvillojë një takim kokë më kokë me Presidentin e Ukrainës Zelenskyy.

9.30 – Takimi bilateral mes dy delegacioneve.

Pamjet dhe fotot e takimeve do të shpërndahen për median në kanalet zyrtare të komunikimit dhe platformat e tjera sociale.

10.10 –  Firmosja e marrëveshjes mes Shqipërisë dhe Ukrainës

Transmetim i drejtpërdrejtë në kanalet zyrtare të komunikimit dhe në platformat sociale

11.00 – ​​Doorstep dhe mbërritja e liderëve  ( Pallati i Kongreseve)

Akses të gjithë mediat, përpara Pallatit të Kongreseve

11.30-Kryeministri Edi Rama dhe Presidenti i Ukrainës Volodymyr Zelenskyy do të mbajnë fjalët hapëse të Sesionit.

Transmetim i drejtpërdrejtë në kanalet zyrtare të komunikimit dhe në platformat sociale

13:00 – Foto Familjare

Të gjitha mediat

13.30 – ​​Kryeministri Rama dhe Presidenti i Ukrainës Volodymyr Zelenskyy do të mbajnë një Konferencë të përbashkët për shtyp.

LEXONI GJITHASHTU:

• Zelensky vjen në Shqipëri/ Kryeministri Rama zbulon detaje për Euronews Albania
• A do bisedoni me Zelenskyn për njohjen e Kosovës? Përgjigjet kryeministri Rama