Aksident në Fier, makina përplas të moshuarin me biçikletë

Një aksident automobilistik raportohet të ketë ndodhur në aksin rrugor Fier-Lushnjë, ku i plagosur ka mbetur një shtetas 80-vjeçar.

Lajmin e bëri të ditur Policia përmes një njoftimi, ku thuhet se i moshuari po udhëtonte me biçikletë, teksa është përplasur nga 48-vjeçari me automjetin tip “Volsëagen”.

80-vjeçari ndodhet në spital nën kujdesin e mjekëve, ndërkohë që grupi hetimor ndodhet në vendngjarje dhe po punon për sqarimin e rrethanave të aksidentit.

Njoftimi i Policisë:

Fier-Rreth orës 16:50 në aksin rrugor “Fier-Lushnjë”, shtetasi A. I., 48 vjeç, banues në Lushnjë, duke drejtuar automjetin tip “Volsëagen”, ka përplasur shtetasin S. K., rreth 80 vjeç, i cili po udhëtonte me biçikletë.

Si pasojë e përplasjes është dëmtuar biçiklisti, shtetasi S. K., i cili ndodhet në spital në kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të aksidentit.

LEXONI GJITHASHTU:

• Shkaktoi aksidentin me 2 viktima 2022, Apeli shpall të pafajshëm shoferin
• Aksident me një të plagosur në bulevardin e qytetit të Korçës