Qarkullonin të armatosur dhe me makina të blinduara, 3 të arrestuar në Fier

Tre persona janë arrestuar nga policia e Fierit, 2 nga të cilët vëllezër pasi qarkullonin të armatosur me armë zjarri pistoleta.

Si rezultat i operacionit të koduar “Armed” u arrestuan në flagrancë në fshatin Fermë Çlirim, shtetasit R. K., 25 vjeç, B. K., 24 vjeç (vëllezër) dhe B. A., 50 vjeç, të tre banues në fshatin Sulaj, Fier.

Këta shtetas qarkullonin të armatosur dhe në momentin që kanë parë shërbimet e Policisë, kanë tentuar të largohen dhe të fshehin armët duke i hedhur në një zonë me bimësi,  por nuk kanë mundur dot të largohen pasi janë kapur nga shërbimet e Policisë.

2 armët e zjarrit pistoleta janë gjetur dhe janë sekuestruar në cilësinë e provës materiale.

Në vijim të veprimeve procedurale, shërbimet e Policisë kanë sekuestruar në cilësinë e provës materiale edhe 2 automjete të blinduara, që u gjetën gjatë kontrollit të ushtruar në një subjekt (karburant).

Vijon puna hetimore për dokumentimin e plotë të veprimtarive kriminale të këtyre shtetasve.

LEXONI GJITHASHTU:

• Dy burra dhunojnë gratë në Fier, arrestohet njëri prej tyre, në kërkim tjetri
• Mjeku toksikolog: Nuk u helmuan me bar miu 23 punonjësit e fabrikës në Fier