F1 | Kryesore

Red Bull dominon garën e parë të Formula 1

2 Mars 2024 | 19:13

Red Bull dominoi garën e parë të Formula 1 2024 në Bahrein. Max Verstappen e filloi atje ku e la vitin 2023 me një fitore të pastër. Pole position, garë dhe xhiro më e shpejtë, ishte i pesti Grand Slam në karrierën e holandezit. Më mirë se ai kanë bërë vetëm Hamilton me 6 dhe Klark me 8 të tillë.

Pas pole position-it të 33, tre herë kampioni në fuqi fitoi garën e 55 në karrierë duke lënë pas shokun e skuadrës Sergio Perez me një diferencë prej 22.4 sekondash. Kjo ishte fitorja e 8 rradhazi për holandezin mes 2 sezoneve të fundit.

Verstappen u përball me një rivalitet minimal në kthesën e parë nga Charles Leclerc ku piloti i Ferrarit u përpoq ta parakalonte në start. Ishte një fitore tipike e Verstappen i cili ruajti një pilotim konstant dhe kreu menaxhim të shkëlqyer të makinës dhe gomave.

Strategji konservatore që e ndihmoi të ruante një set gomash pasi në Bahrein e filluan dhe e mbaruan me goma të buta, duke përdorur versionin e fortë vetëm për mesin e garës. Ndërsa rivalët që e filluan me setin e butë, e mbyllën me atë fortë pas dy ndërrimeve në bokse.

Ky është klasifikimi i 10’të të parëve në Cmimin e Madh të Bahreinit (si dhe ai me pikë) që u transmetua ekskluzivisht në EuroNews Albania. Gara e rradhës do të zhvillohet vetëm pas 7 ditëve në Arabinë Saudite.

Klasifikimi në Bahrein 2024

1 Verstappen (Red Bull)

2 Perez (Red Bull) +22”457

3 Sainz (Ferrari) +25”110

4 Leclerc (Ferrari) +39”669

5 Russell (Mercedes) +46”788

6 Norris (McLaren) +48”458

7 Hamilton (Mercedes) +50”324

8 Piastri (McLaren) +56”082

9 Alonso (Aston Martin) +1’14”887