Momenti i Ngannou-Joshua në boks, luftëtari i UFC sfidon ish-kampionin e botës

Arabia Saudite është gati për të pritur një superduel mes dy kampionëve në boks dhe UFC të cilët do të masin forcat në Riyadh.

Anthony Joshua një ish-kampion bote në boksin profesionist të peshave të rënda dhe Francis Ngannou luftëtar i UFC sfidojnë njëri-tjetrin.

Britaniku beson se mund ti japë ende boksit ndaj fitoren e cilëson si një detyrim, teksa në anën tjetër, pas asaj paraqitëse bindëse ndaj Tyson Fury, beson se është në rrugën e duhur.

Kingdom arena pritet të jetë plot në këtë përballje klasike, ndërsa sipas informacioneve të publikuara në media, janë shitur një numër i madh biletash. Dueli në fjalë do të jetë i fundit, i dyluftimeve që nisin prej pasdites së kësaj të premte.

Sipas orarit të përllogatiur Ngannou-Joshua do të nisë pak minuta para mesnatës. Përgatitjet kanë marrë fund, me të dy atletët të cilët janë në formën optimale për të përballuar 10 raunde.

Pas një shkëputje më tepër se 1 vjeçare britaniku kërkon të rikthehet në krye të boksit botëror ndërsa në reagimin e bërë së fundmi, pohoi se kundërshtari i tij nuk ka për t ja dalë, pasi do të ketë shumë probleme.

Në anën tjetër kamerunasi u tregua më i kujdesshëm në deklarata, ndërsa kërkoi të mos nënvlerësohet për mungesën e eksperiencës në boks, duke e justifikuar me atë në UFC ku ishte kampioni në fuqi.

LEXONI GJITHASHTU:

• Përgatitjet për duelin e shekullit në boks, Usyk “frikëson” kundërshtarin
• VIDEO| Boksieri shqiptar fiton titullin WBC, Tyson përshëndet me “Shqiponjë”