Përgatitjet për duelin e shekullit në boks, Usyk “frikëson” kundërshtarin

17 shkurti është një datë e madhe për boksin botëror, kjo për faktin se dy nga atletët më të mirë në historinë e këtij sporti përballen me njëri-tjetrin.

Tyson Fury dhe Oleksandr Usyk sfidojnë njëri-tjetrin në ring, ndërsa Arabia Saudite do të jetë gati për eventin e shekullit. Ukrainasi ka vijuar përgatitjet madje duke publikuar dhe pamjet në rrjetet sociale, duke provuar kështu të “frikësojë” kundërshtarin e tij.

Në anën tjetër, Fury i njohur si “Gipsy king” vijon punën në heshtje, duke qëndruar larg mediave dhe rrjeteve sociale. Oleksand Usyk postoi në rrjetet sociale një video gjatë stërvitjes së tij të fundit me pasha, duke treguar një formë të jashtëzakonshme trupore. E njëjta gjë ndodh edhe në ring me ukrainasin, i cili ka rrëmbyer rezultate pozitive, e fundit fitorja ndaj Daniel Dubois. Në anën tjetër, britaniku vjen pas triumfit me polemika ndaj Francis Ngannou.

Në një krahasim të drejtpërdrejt mes tyre, më me eksperiencë është Fury, 35 duele, 34 fitore dhe 1 barazim. Usyk në 21 përballje i ka të gjitha fitore, teksa numëron 14 prej tyre me KO, teksa kundërshtari i tij regjistron 24.

 

View this post on Instagram

 

A post shared by Usyk. The Cat. Oleksandr (@usykaa)

LEXONI GJITHASHTU:

• Caktohet data për duelin më të madh në historinë e boksit
• VIDEO| Boksieri shqiptar fiton titullin WBC, Tyson përshëndet me “Shqiponjë”