Dakordësia PS-Rithemelimi, ambasadori gjerman: Shpresojmë zhvillime për Zgjedhoren

Nga Korça ku ka qenë i pranishëm ne universitetin e këtij qyteti, ambasadori gjerman Karl Bergner, është ndalur tek dakordësia e PS dhe grupit parlamentar të Rithemelimit si dhe te Komisioni i Reformës Zgjedhore.

I pyetur për rikthimin e normalitetit në parlament, ambasadori gjerman deklaroi se është kënaqësi e madhe të shohësh zhvillime të tilla.

Ai shtoi se shpreson që bashkëpunimi të vijojë dhe për reformën zgjedhore.

“Është kenaqësi e madhe që shoh zhvillimet e fundit të parlamentit shqiptar, gjithësesi do të shikojme nesër në rast se realisht do t’i kthehet normalitetit për të folur për përmbajtje, pa qënë nevoja për t’u bllokuar seanca. Gjithmonë në këto muajt e fundit kur në parlament nisën shqetësimet, kemi theksuar se parlamenti është një kusht i rëndësishëm për një sisitem demokratik, për integrimin e Shqipërisë në BE. Është kënaësi për ne të shohim se dy partitë politike janë dakordësuar për të normalizuar situatën në parlament. Shpresojmë që ky bashkëpunim të sjellë zhvillim edhe për reformën zgjedhore, por edhe në tema të tjera të rëndësishme”, tha ambasadori.

Ambasadori theksoi se reforma zgjedhore ka nevojë duhet të jetë sa më gjithëpërfshirëse, ku të adresohen rekomandimet e të gjitha grupeve të interest.

“Sigurisht deri tani nuk kemi parë rekomandimet konkrete që ka marrë komisioni parlamentar, do e ndjekim me vëmendje. Kemi interes që ky proces të jetë i gjerë, të përfshijë sa më shumë interesa, ka rekomandime nga OSBE – OHDIR, do e ndjekim në vijim. Me lejoni te them se qëllimi im ishte për të parë qytetin e Korçës, kemi patur vërtet një kohë impresionuese, dinamika pozitive, kemi parë sipërmarrje të ndryshme, dixhitializmi, ky është mesazhi që dua të jap, do e mbështesim Korçën në vijim”, tha ambasadori gjerman.

LEXONI GJITHASHTU:

• Dakordësia me Rithemelimin, reagon Rama: Pazar me “non-gratën”? Shpifje!
• Salianji godet marrëveshjen PS-Rithemelimi: Kundër interesave të demokratëve