Nagelsmann harron Reus e Hummels, lista e lojtarëve për miqësoret, kë rikthen Anglia

Organizatorët e kampionatit evropian, Gjermania ka publikuar listën e lojtarëve të thirrur për testet e radhës miqësore.

Tekniku Julian Nagelasmann ka prezantuar 26 lojtarët për dy miqësoret e luksit me Holandën e Francën, teksa ajo që bie në sy është lënia jashtë e dy lojtarëve të Dortmundit, Marco Reus e Mats Hummels.

Sulmuesi i cili i ka humbur kompeticionet e mëparshme për shkak dëmtimi po kalon formë pozitive, duke shënuar dhe në Champions ndaj PSV, teksa Hummels një titullar e padiskutueshëm.

5 nga futbollistët e thirrur i takojnë Bayernit, ndërsa tekniku është bazuar më tepër tek ata që luajnë në Bundesligë. Neuer, Kimmich, Pavlovic, Musiala e Muller janë bavarezët e thirrur nga Nagelsman, ku në listë janë 4 portierë, 9 mbrojtës dhe 14 mesfushorë e sulmues.

Orët e fundit edhe 3 luanët publikuan listën e lojtarëve për testet miqësore të marsit, ku bie në sy rikthimi i Ivan Toney. Sulmuesi i Brentford ishte prej muajsh i pezulluar për shkak të bastvënies, por tashmë do të jetë nën urdhrat e Southgate, teksa pas 3 vitesh mungesë vjen edhe mbrojtësi i Klopp, Joe Gomez.

9 sulmues ka preferuar tekniku i Anglisë, mes tyre dhe Boëen e Gordon. 5 mesfushorë Callagher, Bellingham, Maddison, Rice, por dhe surpriza Jordan Henderson, veteran që u kthye në Evropë tek Ajax. Në total janë 25 lojtarë të gatshëm për përballjet me Brazilin e Belgjikën.

LEXONI GJITHASHTU:

• Paul Pogba përjashtohet 4 vjet nga futbolli për doping
• Substanca e ndaluar që e pezulloi me 4 vite nga futbolli Pogbanë