Substanca e ndaluar që e pezulloi me 4 vite nga futbolli Pogbanë

Mesfushori i Juventusit, Paul Pogba, është përjashtuar për 4 vjet nga futbolli pas shkak të doping-ut.

Ish-lojtari i Manchester United u pezullua përkohësisht në shtator pasi një testi që zbuloi nivele të larta të testosteronit në trupin e tij.

Francezi 30 vjeçar, u testua rastësisht pas ndeshjes së parë të sezonit të Juventusit më 20 gusht.

BBC raporton se Pogba do të apelojë kundër vendimit të gjykatës kombëtare antidoping të Italisë.

Pogba iu nënshtrua një testimi të dytë në muajin tetor, ku prokuroria antidoping kërkoi një pezullim për katër vjet nga futbolli profesionist.

Një zëdhënës i Juventusit i tha agjencisë së lajmeve AFP, se vendimi i ishte paraqitur klubit mëngjesin e kësaj të enjteje.

Vendimi do të thotë se Pogba nuk do të jetë në gjendje të luajë deri në vitin 2027, kur ai do të jetë 33 vjeç.

Pogba beson se mund ta ketë marrë substancën e ndaluar pa dashje.

Duke folur në kohën e pezullimit fillestar, agjentja e Pogba, Rafaela Pimenta, tha: “Ajo që është e sigurt është se Paul Pogba nuk ka dashur kurrë të thyejë asnjë rregull”.

Testosteroni është një hormon që rrit qëndrueshmërinë e atletëve dhe që është i ndaluar për futbollistët.