“S’të dua si mësuese e vajzës se je me një dorë”, Hoxha rrëfen momentet e vështira

Mësuese Lindita tregon për “Real People” rastin që nuk do ta harrojë kurrë, që e ka bërë  vërtetë të ndihet keq.

Sipas saj, me fjalë jo të vërteta të nxënësve, një prind i një fëmije i ka thënë drejtpërdrejt të mos jetë mësuesja e vajzës së tij, për arsye se ajo trembet nga dora. Këto fjalë nuk do t’i harrojë kurrë mësuesja nga Fieri, pavarësisht se tregon që më pas prindi i vajzës i ka kërkuar falje.

Kjo është dhe arsyeja që ajo sot kërkon të luftojë për më shumë të drejta për personat me aftësi ndryshe, për të mos përjetuar të njëjta vështirësi në jetë.

“Aty ka qenë momenti më i vështirë që unë kam qarë. Një prind më erdhi dhe më tha që nuk të dua si mësuese, ti je me një dorë dhe vajza ime trembet nga dora.  Unë i thashë që nëse të ka thënë vajza jote për këtë gjë, jam unë që do ta lë vendin e punës, por që nëse të ka thënë dikush tjetër, kjo nuk është e vërtetë.

Pasi kaluan disa kohë, më kërkoi falje, dhe më tha që ti bëre më të mirën dhe sot më vjen zor që unë të kam thënë një gjë të tillë. Unë kam punuar edukatore dhe ata nuk u trembën, si mendon ti, mund të trembet një 12-vjeçar. Që pas asaj kohe nuk pata raste të ngjashme”-u shpreh ajo.

LEXONI GJITHASHTU: 

• Hoteli pa leje në Sarandë, shtohet akuza për flasifikim dokumentesh për pronarin
• Zjarri përfshin një sipërfaqe të konsiderueshme me ullishte në fshatin Dushk