Aksident i rëndë në Krahës-Tepelenë, makina përplas motorin

Një aksident i rëndë ka ndodhur pasditen e kësaj të shtune në aksin rrugor Krahës-Tepelenë, ku një automjet është përplasur me një motor.

Si pasojë e përplasjes ka mbetur i lënduar drejtuesi i motomjetit, i cili është dërguar me urgjencë në spital, ku po merr kujdesin e nevojshëm mjekësor.

Grupi hetimor ndodhet në vendngjarje dhe po punon për sqarimin e rrethanave të aksidentit.

“Rreth orës 16:20, në aksin rrugor Krahës-Tepelenë, automjeti me drejtues shtetasin B. M., 57 vjeç, është përplasur me motomjetin me drejtues shtetasin M. N., rreth 63 vjeç. Si pasojë është dëmtuar shtetasi M. N., i cili ndodhet në spital, në kujdesin e mjekëve. Grupi hetimor po punon për sqarimin e rrethanave të aksidentit”, thuhet në njoftimin e policisë.

LEXONI GJITHASHTU:

• Aksident i rëndë në Durrës, 3 persona dërgohen në spital në gjendje kritike
• Aksidenti në aksin Kardhiq-Delvinë, raportohet për një shtetas ukrainas të vdekur