Neurokirurgu: Pse meshkujt vuajnë më shumë nga disa sëmundje neurologjike

Artur Xhumari, shefi i shërbimit të Neokirurgjisë ishte këtë të hënë i ftuar në “Good Morning Albanians” në Euronews, për të folur për sëmundjet neurologjike.

Xhumari tha se meshkujt vuajnë nga disa sëmundje neurologjike, siç është Stroku, më shumë se femrat, për shkak të mbrojtjes që ato kanë.

Ai shtoi gjithashtu se e bërtitura ndonjëherë është çlirimi i një emocioni negativ, që e nxjerr jashtë dhe çlirohesh.

“Ka sëmundje të vërteta që është Stroku, se ai është kryesori. Ai ndodh më shpesh te meshkujt sesa te femrat, për shkak të mbrojtjes që i ofrojnë hormonet femërore. Migrena është më e shpeshtë te femrat. Ajo që diskutohet në këtë mes, pse bëhen këto studimet, por kështu është nuk ka ndonjë diskutim.

Nuk është të gjesh faktorë që ti nuk i modifikon dot. Mosha, gjinia. E bërtitura është çlirimi i një emocioni negativ që ti e nxjerr jashtë dhe i bën mirë shëndetit tënd. Ke dy mënyra për të nxjerrë inatin, njëra është bërtit me kë ke përballë, tjetra është shko te psikologu, paguaj ca seanca dhe shprehu atje. Nëse të bie rasti që ta kesh psikologun në shtëpi është më mirë”, tha Xhumari.

LEXONI GJITHASHTU:

• 1 në 10 të rritur vuan nga veshkat, mjekët apel për kontrolle: Simptomat që shfaqen
• Mjeku Rubin Topi: Si kokaina, kështu është varësia që kanë fëmijët nga celulari