Tatimet raportojnë rritje të të ardhurave

Përmes një njoftimi në rrjetet sociale, Tatimet njoftojnë se kanë shënuar rritje të të ardhurave.

Në njoftim thuhet  se të ardhurat për muajin shkurt 2024 janë realizuar në masën 24% ose 5.65 miliard lekë më shumë se Shkurt 2023.

“Të ardhurat për muajin shkurt 2024 janë realizuar në masën 24% ose 5.65 miliard lekë më shumë se Shkurt 2023”.

Vijon rritja rekord e të gjitha llojeve të të ardhurave edhe për vitin 2024, duke shënuar konsolidim të sistemit në realizimin e treguesve të tij dhe rezultate rekord në mbledhjen e të ardhurave gjatë 2 viteve të fundit.

Vlen të theksohet që rekordi në mbledhjen e të ardhurave gjatë 2 mujorit të parë të vitit 2024 është realizuar pavarësisht se kontrollet në terren janë ulur në nivel historik.

“Konkretisht, të ardhurat për muajin shkurt 2024 janë realizuar 24% ose 5.65 miliard lekë më shumë se Shkurt 2023. Krahasuar me Shkurt 2022 kemi rritje me 7.85 miliard lekë ose 37% më shumë. Ndërsa krahasuar me Shkurt 2021, kemi rritje me 9 miliard lekë ose 45% më shumë”, thuhet në njoftimin e Drejtorisë së Përgjithshme të Tatimeve në mediat sociale.

Administrata Tatimore sqaron se falë rezultatit të një pune të jashtëzakonshme, për 2 mujorin e parë të vitit 2024 të ardhurat u realizuan 21% ose 11.4 miliard më shumë se 2 mujori i vitit 2023.

“Krahasuar me 2 mujorin e vitit 2022, kemi rritje me 17 miliard lekë ose 35% më shumë. Ndërsa, krahasuar me 2 mujorin e vitit 2021, kemi rritje me 22.7 miliard lekë ose 52% më shumë”, njofton DPT në rrjetet sociale.

LEXONI GJITHASHTU: 

• Leje-qëndrimet në Greqi, ambasada sqaron procedurat: Aplikimin mbajeni me vete
• Ç’presin rusët| Rizgjedhja e Putin, qytetarët: Asnjë ndryshim, vendi po ecën mirë