Sylvinho me grup të plotë në Tiranë, braziliani punon për zgjedhjet drejt Euro2024

Sylvinho me grup të plotë dhe stërvitje maksimale në përgatitjet për sfidat e radhës në Itali dhe Suedi.

Qazim Laçi dhe Naser Aliji ishin lojtarët e fundit që plotësuan grupin prej 26 futbollistësh të thirrur për miqësoret ndaj Kilit në fundjavë dhe nordikëve në fillimin e javës së ardhshme.

Taktikë dhe ushtrime fizike për të pranishmit që duhet të jënë gati për zgjedhjet e brazilianit për 180’ e ardhshme. Konkurencë e lartë në cdo repart sidomos në vijën e parë ku stafi teknik duhet të zgjedhë mes kontributit të mëparshëm dhe formës aktuale.

Ngarkesa fizike e muajve të fundit ka dërguar Uzunin në palestër për një seancë rekuperimi ndërsa të tjerët kanë punuar në fushë për implementimin e kërkesave të Sylvinho’s. Braziliani ka si objektiv të shohë emra të rinj dhe Hoxha e Manaj janë dy objektivat kryesorë për grupin përfundimtar drejt Euro 2024.

Jo vetëm stërvitje me topin por edhe përkujdesje psikologjike e cila më shumë se kujtdo i duhet Brojës. Shtatlarti kuqezi që nuk po kalon ditët më të mira në Londër është një futbollist që Sylvinho po bën gjithcka ta humbasë. Për këtë ai ka ngarkuar Zabaleta’n që ta ndjekë personalisht në fushë dhe jo vetëm.

LEXONI GJITHASHTU:

• Presidenti Begaj i jep shtetësinë trajnerit Sylvinho: Po e legalizoj si shqiptar!
• Shqipëria përballë Italisë dhe Spanjës në Euro 2024, vjen reagimi i Sylvinhos