Ndeshja Kastrioti-Elbasani| Tifozi qëllon me shishe plastike efektivin e Policisë

Gjatë ndeshjes së sotme midis Kastriotit dhe Elbasanit, një tifoz 30-vjeçar është shoqëruar në komisariat pasi ka goditur me shishe plastike një efektiv policie.

Sipas burimeve nga Policia, 30-vjeçari pasi e ka goditur me shishe plastike efektivin, ka nisur ta ofendojë me fjalë fyese dhe në momentin që ai ka shkuar për ta shoqëruar, ka hasur në rezistencën e tifozëve të tjerë.

Pas këtyre momenteve, kanë ndërhyrë shërbimet e tjera të Policisë të cilat kanë shoqëruar në komisariat shtetasin A. B., për sqarimin e mëtejshëm të rrethanave të ngjarjes.

Njoftimi i Policisë:

Krujë-Më datë 27.03.2024, pas përfundimit të ndeshjes Kastrioti – Elbasani, shtetasi A. B., 30 vjeç, ka gjuajtur një bidon plastik në drejtim të një punonjësi Policie, që ndodhej me shërbim jashtë perimetrit të stadiumit.

Punonjësi i Policisë i ka bërë thirrje për të ndaluar veprimet e tij, por shtetasi A. B., ka reaguar me fjalë fyese, dhe pasi punonjësi i Policisë ka ndërhyrë për ta shoqëruar, ka hasur në rezistencën e tifozëve të tjerë.

Pas këtyre momenteve, kanë ndërhyrë shërbimet e tjera të Policisë të cilat kanë shoqëruar në komisariat shtetasin A. B., për sqarimin e mëtejshëm të rrethanave të ngjarjes.

LEXONI GJITHASHTU:

• Vrasja e Pjerin Xhuvanit, Policia nis përgatitjet për rindërtimin e skenës së krimit
• Pjesë e grupit që u kap me arsenal armësh, kush është policja e burgjeve e arrestuar