Lamtumirë Ali Oseku/ Ndahet nga jeta në moshën 80 vjeçare piktori i lirisë

Ditën e sotme u zhvilluan homazhe për ndarjen nga jeta të piktorit të njohur Ali Oseku, një prej artistëve më emblematik të artit shqiptar në 50 vitet e fundit.

Piktori i njohur Ali Oseku, ka ndërruar jetë duke humbur luftën me sëmundjen e rëndë me të cilën përballej prej vitesh.

Ditën e sotme në ambientet e Universitetit te Arteve u zhvilluan homazhet në nder piktorit emblematik, ku të afërm dhe njerëz të njohur kanë vendosur lule pranë fotos së tij.

I lindur në Tiranë, në një familje me origjinë nga Gjakova menjëherë pas shkollimit artisti u kthye në një figurë tërheqëse në skenën e artit shqiptar të fillimviteve ’70, duke sjellë një frymë të re, si dhe një nerv artistik të veçantë në krijimet që solli nëpërmjet pikturës së tij.

E bija e piktorit ndau disa nga momentet e fundit me te atin.

Oseku ishte një nga artistët e dënuar në vitin 1975 në burgun famëkeq të Spaçit. U dënua sepse vepra e tij u cilësua moderne. Pas daljes nga burgu, ai punoi si punëtor i thjeshte pa të drejtë të ekspozimit deri në vitin ’91, kur iu kthye krijimtarisë.

LEXONI GJITHASHTU: 

• Kreu i OKB-së kritikon Izraelin për vrasjen e punonjësve humanitarë
• Bie nga kantieri në ndërtim, ndërron jetë punëtori në Tiranë