15 vite burg për 60-vjeçarin që abuzoi me minorenen në Tiranë? Avokati jep detajet…

Avokati Gylsen Zhllima është shprehur se 60-vjeçari i cili dyshohet se abuzoi seksualisht me minorenen në Tiranë, rrezikon nga 5-15 vite burg, nëse vërtetohet fajësia e tij.

Komentet Zhllima i bëri në emisionin “Good Morning Albanians” në Euronews, ku tha se në rastet e abuzimit me të mitur, nuk është e nevojshme të jetë përdorur dhunë, për t’u akuzuar për përdhunim, pasi mjafton kryerja e aktit seksual që të të kapë ligji.

Ai tha gjithashtu se në rastet kur abuzimi me të mitur është kryer në grup, ose kur autori është përsëritës i veprës penale, atëherë sipas tij, ai rrezikon një dënim më të lartë që shkon në maksimumin e tij deri në 35-vite.

“Në këto raste ne themi prezumim i pafajësisë, derisa të provohet fajësia me vendim të formës së prerë. E dyta, ligji jonë parashikon në nenin 101 nga mosha 14-18 vjeç personat viktima të veprës penale që bien pre e këtyre abuzimeve, ligji i dënon.

Nga pikëpamja penale ligjvënësi ka dashur të thotë që nga mosha 14-18 vjeç viktima e veprës penale me marrëveshje, pa marrëveshje, me pëlqim, pa pëlqim, është viktimë e veprës penale. Fjalia që themi kryerja e marrëdhënieve seksuale ose homoseksuale me dhunë me persona 14-18-vjeç, nuk do të thotë që viktima duhet të jetë rrahur ose dhunuar.

Cenimi i integritetit duke të urdhëruar unë ty të vish te mua, është cënim i integritetit. Parashikimi ligjor për rastin konkret është nga 5-15 vite burg. Por në paragrafin e dytë kemi rrethana rënduese ndaj autorit. Mund të mos ketë qenë i vetëm, por në bashkëpunim. Mund të jetë përsëritës i veprës penale. Pasojat që ka shkaktuar te viktima, etj”, tha Zhllima.

LEXONI GJITHASHTU:

“Më futi në një banesë dhe abuzoi”- Denoncimi i të miturës për 60-vjeçarin në Tiranë

Gazetarja: 60-vjeçari ishte fqinj me vajzën që abuzonte seksualisht